Oddrún Lilja Jónsdóttir er tónskáld og gítarleikari frá Oslo og Reykjavík sem hefur vakið athygli fyrir persónulegan og ævintýralegan hljóðheim. Hún hefur komið fram víða um heim og unnið með tónlistarfólki frá ólíkum menningarheimum.

Fyrstu plötur hennar, Marble og Mirage, hlutu frábærar viðtökur, en sú síðarnefnda var tilnefnd til norsku tónlistarverðlaunanna Spellemannsprisen. Árið 2023 samdi hún sérstakt afmælisverk fyrir Vossa Jazz og árið 2024 frumflutti hún hljóðrænt og sjónrænt verk um ritskoðun í Norsku óperunni.

Tónlist Oddrúnar sækir innblástur bæði í íslenskan og norskan menningararf, þjóðlagatónlist og nútímalegan jazz. Útkoman er leikandi, ljóðræn og utan tíma og rúms.

MIÐASALA