Kontrabassaleikarinn Birgir Steinn Theodorsson og trommuleikarinn Sólrún Mjöll Kjartansdóttir hafa spilað saman í ýmsum verkefnum en eftir Pólandsferð þeirra í maí 2025 kviknaði sú hugmynd að semja og taka upp hljómplötu með frumsamdri tónlist þeirra beggja þar sem leikið er með samspil kontrabassans og trommusetts og slagverkshljóðfæra. Hljóðheimurinn er opinn og tilraunakenndur, rytminn er teygður í allar áttir og skapar togstreitu sem leysist upp í spuna, fallegum laglínum og hljóðum.
Hljómplata þeirra, Agata, verður flutt í heild sinni á Jazzhátíð Reykjavíkur.
