Tríóið hist og var stofnað í lok árs 2017 til þess að rugla saman reitum raf-og djasstónlistar. Tríóið skipa Eiríkur Orri Ólafsson, sem leikur á trompet, trommuheila og hljómboð, Róberta Andersen á gítar, bassa og hljómborð og Magnús Trygvason Eliassen á trommur og slagverk. Tónlistin einkennist af innhverfri, úthverfri og slagþungri blöndu af djass, raf-, og spunatónlist sem kemur víða við.
Hist og mun gefa út sína fjórðu breiðskífu á árinu undir merkjum Reykjavík Recordshop snemma á árinu og mun starfsárið því einkennast af því að kynnaplötuna og er það von meðlima að jazzhátíð Reykjavíkur geti leikið þar lykilhlutverk.
hist og á að baki þrjár plötur, Days of Tundra (2019), hits of (2020), og holy ghost of (2023). Allar hlutu þær mikið lof og hefur hljómsveitin landað þremur tilnefningum til Íslensku Tónlistarverðlaunanna í djassflokki bæði árin, sem og sæti á Kraumslistanum 2019 og "Spuni Ársins" sama ár hjá Morgunblaðinu. Um hits of skrifaði Arnar Eggert Thoroddsen hjá Morgunblaðinu ma. "Hörkustöff … stimpill þessa ofurtríós kirfilega á öllum smíðum." Allar plöturnar hafa hlotið sæti á Kraumslistanum. Breska tímaritið Jazzwise hafði þetta að segja um tónleika þeirra á Jazzhátíð í ágúst 2024:
"they are at once thunderous, producing huge walls of sound, and spacey; while also laying down serious grooves. […] They'd go down a storm at a venue like London's Café OTO – let's hope they visit the UK soon."
Meðlimir hist og hafa starfað um árabil með hinum ýmsustu hljómsveitum, svo sem múm, amiinu og Sin Fang, Sigur Rós, Kiru Kiru, Benna Hemm Hemm og Seabear, ásamt ótal samstarfsverkefna á sviði djasstónlistar með ADHD, Hilmari Jenssyni, Skúla Sverrissyni og Mógil.