Tríó Alberts Sölva var sett saman fyrir Jazzhátíð Reykjavíkur árið 2023 til að koma fram á Jörgensen. Hljómsveitin spilaði þá bland af frumsömdu efni og jazz standördum. Sumarið 2025 fór tríóið í stúdíó og tók upp 7 frumsamin lög eftir Albert og Sigmar. Platan er í þessum skrifuðum orðum ekki ennþá útgefin en stefnt er að því í byrjun árs 2026. Þessi lög verða á efnisskránni ásamt nýlegum verkum sem eru í bígerð en tónlistarstílar tríósins er frá Funk yfir í New Orleans stíl. Tríóið samanstendur af Alberti Sölva á saxófón, Sigmari Þór á kontrabassa og Þorvaldi Halldórssyni á trommur.